Професорот Љубомир Цуцуловски во „Само интервју“ на Канал 5 детално образложи зошто, според него, името на Република Македонија од правна гледна точка не е променето.
„Давањето на мандат на Заев беше незаконски од страна на тогашниот претседател Иванов. Требаше да се оди на нови избори, ќе чинат, но помалку ќе чинат од распродажба на држава. Собраниската седница беше прекината, седницата може да ја продолжи само оној кој ја прекинал, според тоа, гласањето беше спротивно на Деловникот бидејќи претседавачот не ја продолжи седницата.
Не смееше да се продолжи седница без оној кој ја прекинал. За изборот на претседателот на Собранието никој жив не кажа дали има кворум, нема ни записник за тој избор. Уставниот суд не ги разгледува претставките на граѓаните за изборот на претседател на Собранието, кои се поднесени во 2017 година. Промената на името е направена од една нелегална власт и нелегално Собрание, без потпис од претседателот на државата, а објавено во ‘Службен весник“. Правно гледано, името не е променето“, категоричен е Цуцуловски во делот од интервјуто на следниот линк:
