- Advertisement -
- Advertisement -
Поради обилни врнежи од снег во централна Јапонија и долж северниот брег, некои заедници останале отсечени, а околу 10.000 домаќинства се без електрична енергија.
Стотици возачи се заглавени во снегот што целосно го покри главниот автопат во Јапонија, кој го поврзува Токио со Нигата. Некои од нив биле затрупани во снег веќе два дена, пишува Би-Би-Си.
Властите им поделиле храна, гориво и ќебиња на возачите.
“Беше навистина проблематично, немав храна и вода. Морав да јадам снег”, изјавил еден од возачите.
Метеоролозите предвидуваат дека обилниот снег ќе продолжи да паѓа и за време на викендот, а веќе сега има снежна покривка од околу 2 метри.
