Вооружен напаѓач уби едно и рани најмалку уште едно лице, по што побегна од местото на нападот во трговскиот центар во градот Еплтон во американската сојузна држава Висконсин.
Полицијата била повикана во трговскиот центар во предградието на Еплтон околу 15:30 часот по локално време во текот на вчерашниот ден, а како што соопштоја тамошните власти, напаѓачот и натаму е во бегство.
Локалната полиција соопшти дека напаѓачот го напуштил трговскиот центар пред да пристигнат полицајците, а засега не е познат мотивот на нападот, ниту пак идентитетот на жртвата.
На видеата кои се појавија непосредно после нападот може да се види како огромен број на полицајци стојат пред трговскиот центар, додека истовремено луѓето го напуштаат објектот со подигнати раце.
