Кога им велевме дека нема да го затворат туку отворат македонското прашање тие не апсеа. Ни доаѓаа дома во 5 ипол сабајле и не носеа кај судија за претходна постапка со цел да не тргнат од политичката сцена. И се што можеше да се спротивстави на тогашниот договор гледаа да го стават зад решетки, вели лидерот на ГРОМ, Стевчо Јакимовски во емисијата „Тешки муабети“.
-Сега кога ќе се вратиме на 27 април, кој бил во право, народот што штрајкуваше пред парламент, народот што влезе во парламент, народот што ја зема правдата во свои раце? Се биле во право тие луѓе. Некој воведе двојазичност, некој им го промени името, некој им атакува врз јазикот, некој им атакува врз самобитноста, сега им атакува врз историјата. Значи сите тие луѓе кои влегоа во парламентот беа повторно во право. Значи целосно беа во право и дури сега ги оправдувам нивните постапки затоа што знаеја што ќе се случи и токму тоа од што се плашеа луѓето денеска ни се случува, додаде тој.
