Владата одобри да се донесе законско решение за репрограмирање на кредитните услови за заемот за гасификација

- Advertisement -

Владата на Република Македонија на денешната седница го одобри предлогот на Министерството за финансии за репрограмирање на кредитни услови на АД „НАЦИОНАЛНИ ЕНЕРГЕТСКИ РЕСУРСИ“ Скопје во државна сопственост, во однос на заемот за финансирање на проектот „Гасификација на Република Македонија“, добиен од Дојче банка и Ерсте банка, соопшти владината прес служба.

Согласно оваа одлука, Министерството за финансии е задолжено на утрешната седница на Владата да достави законско решение со новите кредитни услови за предвиденото репрограмирање и откако ќе биде утврдено на владината седница, да биде испратено до Собранието на усвојување.