Излегува на површина стравот на СДСМ како наближува периодот за формирање на владата и доделувањето на мандатот на победничката ВМРО-ДПМНЕ и Никола Груевски. Во немоќ, СДСМ и опозициските медиуми манипулираат и се закануваат со протести.
Порталот „Плусинфо“, кој е гласило на СДСМ го изнесува на површина стравот на СДСМ, кој е поразителен за раководството од оваа партија.
-Антивмровското расположение кај албанските граѓани кулминира, па ако ДУИ коалицира со ВМРО-ДПМНЕ за да прави нова влада Албанците се спремаат за масовни протести, објавува порталот на главниот медиумски стратег на опозицијата, Бранко Героски.
Откако ги загубија изборите на легално, слободно и фер гласање, сега сакаат да ја поништат волјата и она што го соопштува партиското гласило на СДСМ практично е дека не смее да има влада без СДСМ, а доколку се формира се закануваат со насилство и протести.
Соочени со стравот кој излегува на виделина, СДСМ и нејзините медиуми спроведуваат типична манипулација со цел дефокусирање од вистинската тема за понесување на одговорност за поразот на изборите од страна на Заев и негова оставка која се погласно се бара во редовите на партијата.
„
ВМРО-ДПМНЕ победи на овие избори и има легитимитет, и целосна поддршка од народот да ја формира новата влада. ВМРО-ДПМНЕ има обврска да направи се за да ја исполни волјата на мнозинството. Мандатот за формирање на нова влада е во рацете на Никола Груевски. Тој беше носител на сите изборни активности и ја освои довербата на граѓаните“, изјави Котевски пред неколку дена.
Тогаш, Котевски не изнесе детали за можните контакти со цел формирање на постизборна коалиција со останатите партии, и вели дека јавноста навремено ќе биде информирана по ова прашање. Мандатот од претседателот се очекува Иванов да му го предаде на Груевски најдоцна до 9-ти јануари, но постои и можност тоа да се случи порано.
