Кина остро ја критикуваше американската влада денес за политизирање на трговските прашања откако Њујоршката берза започна процес на бришење на три кинески телекомуникациски компании за кои Вашингтон тврди дека се поврзани со воената индустрија на земјата.
Пекинг ќе ги преземе потребните мерки за заштита на законските права на кинеските компании, изјави портпаролот на Министерството за надворешни работи Хуа Чунинг на редовниот брифинг со новинарите, пренесува Ројтерс.
Њујоршката берза на крајот на минатата недела објави дека ќе започне процес на бришење на компаниите „Мобиле Кина“, „Кина уником“ и „Кина телеком“ во согласност со одлуката на претседателот Доналд Трамп во ноември 2020 година за забрана на инвестиции на САД во компании во сопственост или контролирани од кинеската армија.
Забраната за инвестиции треба да стапи на сила на 11 јануари, само неколку дена пред планираната инаугурација на новоизбраниот американски претседател eо Бајден.
Според изјавата на Волстрит, тргувањето со акциите на овие компании ќе биде прекинато најрано на 7 јануари, а најдоцна на 11 јануари.
