Откако се во брак, војвотката Меган Маркл (37) му упатува различни барања на својот сопруг, принцот Хари (34). Сега Меган одлучи да му забрани на принцот да пие алкохол, кафе и чај за време на нејзината бременост, пишува „Дејли мејл“. Хари ги заменил тие пијалаци со минерална вода.
Како што вели пријател на семејството, Меган го направила ова за да не поминува сама низ промените во бременоста.
Долгогодишен пријател на Хари вели дека тој отсекогаш сакал да се забавува.
„Хари секогаш беше за забава и сакаше да пие алкохол, затоа ова е големо достигнување за него. Тој секогаш беше полн со енергија и бараше нова возбуда, но сега новиот режим не го прави најзабавен гостин на забавите. Сега е посмирен и многу поопуштен“, вели пријателот на принцот.
