Потпретседателот на ВМРО-ДПМНЕ Александар Николоски, на својот Фејсбук профил, ги објави неговите најзначајни настапи, изјави и средби за 2018 година, кои претставуваат дел од борбата против националното и економското уништување на Македонија.
Тој констатира дека годината која што измина е најлошата година за нашата татковина, бидејќи власта одлучи да го менува државното име и да го избрише македонскиот идентитет.
– НАЈЗНАЧАЈНИТЕ ИНТЕРВЈУА, ДУЕЛИ, ИЗЈАВИ И СРЕДБИ ВО 2018 ВО БИТКАТА ПРОТИВ НАЦИОНАЛНОТО И ЕКОНОМСКО УНИШТУВАЊЕ НА МАКЕДОНИЈА.
Почитувани пријатели, позади нас е најлошата година за Република Македонија. Година во којашто Власта реши да го промени името на државата, да го избрише македонскиот национален идентитет и економски да ја уништи државата – објави потпретседателот на опозицијата.
Николовски во 2019 година ја продолжува борбата за заштита на татковината и на македонскиот идентитет.
-Во 2019 година заедно ќе се бориме, и ќе успееме затоа што победата е пред нас! Ви посакувам убави празници, многу мир и благосостојба. Нека е поубава 2019 година! – напиша Николоски.
