Претседателот на Република Македонија и Врховен командант на Армијата на Република Македонија, вечерва ги посети повредените војници од инцидентот кој се случи во касарната во Тетово
Инцидентот се случил кога двајца војници од тимот, по враќањето од воена вежба во Штип, го симнале митралезот тежок 35 килограми кој бил монтиран на хермелин. Во моментот на пренесување на митралезот во хангарот, тој испукал еден куршум кој повредил други двајца војници кои го чистеле оружјето.
Надлежниот јавен обвинител разговарал со неколкумина војници кои биле очевидци на целиот настан и кои објасниле дека митралезот неколку пати заглавил и за време на воената вежба во Штип.
Војниците ги посети и министерот за здравство Венко Филипче, кој изјави дека војниците не се во животозагрозувачка состојба, а попладнево била извршена хирушка интервенција кај двајцата.
