Шефот на германската служба за вработување Детлеф Шиле побара од федералните власти да дозволат влез на околу 400.000 мигранти годишно поради недостаток на работна сила.
„Германија остана без работници“, изјави Шиле за „Зидојче цајтунг“.
Како што објасни, Германија губи 150.000 работници секоја година поради демографски проблеми, но ситуацијата ќе се влоши.
Единствениот начин да се реши проблемот со недостаток на работна сила е да се овозможи преквалификација на неквалификувана работна сила, така што главно жените кои работат повремени работни места остануваат на работа подолго, но пред се, доаѓањето на мигрантите, додаде тој.
„Ни требаат 400.000 мигранти годишно. Од негуватели, преку мајстори за климатизација, транспортни работници, до професори. „Има недостаток од квалификувана работна сила во сите професии“, вели Шиле.
Бројот на мигранти што ги претстави е далеку поголем од претходните проценки за тоа колку работници и се потребни на Германија.
Шефот на германската служба за вработување објаснува дека решението е насочена миграција, што би ги пополнило празнините на пазарот на трудот.
„Можеме да се спротивставиме и да кажеме не сакаме странци. Но, работите не функционираат така“, додаде Шиле, коментирајќи го евентуалното противење на доаѓањето на мигрантите.
