Пред малку министерот за внатрешни работи, Оливер Спасовски на социјалната мрежа Фејсбук сподели ифнормација дека во голема полициска акција заедно со Американската агенција за борба против наркотици – ДЕА е запленета дрога во вредност од 800 илјади евра.
-Во голема полициска акција заедно со Американската агенција за борба против наркотици – ДЕА запленета е дрога во вредност од над 800.000 евра, приведен е висок полициски службеник.
Продолжуваме заедно со нашите стратешки партнери во неселективна борба против криминалот, пишува Спасовски на Фејсбук.
Претходно американската амбасада посочи дека соработува со МВР и другите институции, но не коментира истраги што се во тек.
-„Не коментираме истраги што се во тек, Амбасадата на САД има тесна соработка со МВР, како и со другите владини министерства и институции во Северна Македонија, за да се постигнат заедничките цели за спроведување на законот и владеење на правото, вклучувајќи регионална соработка за спроведување на законот и борбата против тероризмот“,
Од МВР велат дека полициската акција е во тек и дека повеќе детали ќе има во текот на денот.