Денеска започнува седмата недела, како граѓаните во голем број се бори за задржување на унитарноста на Република Македонија. Веќе седум недели тие порачуваат дека се против двојазична и бинационална држава, дека не сакаат вовед во дебати кои ќе значат промена на грбот, знамето и химната на Република Македонија.
Богдан Илиевски, еден од главните организатори на граѓанската иницијатива „За заедничка Македонија“, вели дека граѓаните се браникот на оваа држава.
-Ова е седмата недела од нашите протести, и денеска сме тука ќе маршираме од Владата до Собранието, заедно со црвено-жолтите штитови, кој го претставуваат народот, црвено-жолтото море, црвено-жолтата линија, браникот на оваа држава, браникот на унитарна и суверена Македонија, изјави Илиевски.
