Грција нема пари за уште една изолација, не можеме повеќе да и помагаме на економијата со економски пакети. Ако наесен пристигне нов бран на пандемија, нашите финансии се готови“, рече министеротот за развој Адонис Георгијајадис, мотивиран од сериозната загриженост на владата за можен нов бран на круната во септември.
„Повеќе нема да има т.н. хоризонтална изолација, но сите забранувачки мерки што ќе бидат донесени ќе важат за невакцинираните, кои повеќе нема да добиваат парична помош. Економијата и целото општество повеќе нема да одат во карантин поради оние што одбиваат да примат вакцина, што е достапна за сите“, предупреди вицепремиерот Акис Шерзу.
Така, од понеделник, 5 јули, вакцинираните со сертификат продолжуваат да патуваат слободно на островите, додека за другите е задолжителен тест за PCR не постар од 72 часа, брз тест не постар од два дена или потврдата за прележан ковид-19.
Епидемиолошката слика се менува бидејќи бројот на заразени расте, тој е веќе близу 800 на ден, што е загрижувачки пораст бидејќи, на пример, во јуни бројот на пациенти се намали за 75 проценти, а смртните случаи за 50 проценти во споредба со претходните месеци Болеста главно ги погодува младите на возраст меѓу 18 и 34 години, но индексот на позитивност сè уште останува околу 1,2 проценти. Кризниот штаб смета дека причина за ова е опуштањето по седум месеци карантин, но и присуството на делта, што е регистрирана во 54 случаи досега, главно во Крит, Атина и Солун, но беа регистрирани и првите случаи во Парос, Лезбос и Халкидики. Во август се очекува да има нови случаи на инфекција со делта-вирус, па епидемиолозите размислуваат за нови мерки за запирање на неконтролираното ширење.
Единственото решение, сметаат експертите, е вакцинацијата. Имајќи предвид дека делтата е регистрирана во Грција кај деца на возраст од осум години, а потоа на возраст од 15 до 24 години, донесена е одлука да се дозволи вакцинирање на деца од 12 до 16 години.
Повеќе од 30 проценти од Грците досега примиле две дози вакцина, но откако започна туристичката сезона, процентот на вакцинирање ќе треба да биде многу поголем. Владата на Мицотакис избегнува директен притисок, но со мерките што ги носи, им станува јасно дека вакцинацијата е единствениот начин да се заштити.
„Побаравме од секоја општина, пред се од оние далечни, мали заедници и на островите, да достави список на заинтересирани за вакцинација. Подготвуваме тимови за т.н. домашна вакцинација, односно лекари кои ќе дојдат во оддалечените, во руралните средини, кој лица со попреченост, болни“, вели министерот за здравство Василис Кикиasас и потенцира дека за да се вакцинираат млади – тимови да бидат присутни дури и на плажите.
