Професорот Александар Даштевски во своето гостување во Канал 5 телевизија истакна дека Законот за обвинителство кој го предлага СДСМ во неколку члена се коси со Уставот, истиот е исплоитизиран, во членови се коси со самиот себе, а спорен е и начинот на кој што се предлага да се бира Републичкиот јавен обвинител.
Тој посочи дека препораката на Венецијанската комисија е да јавниот обвинител не го бира извршната власт, за да не се меша извршната во судската власт, а потсети и на тоа дека СДСМ кога беше во опозиција ветуваше дека Републичкиот јавен обвинител ќе се избира на предлог на опозицијата.
-Видете јас можам да говорам за спорните точки цела вечер. Спорен е и начинот на изборот на Републички јавен обвинител, тука си пишува децидно дека го предлага Владата на Република Македонија. Предлогот и препораката на Венецијанската комисија беше да го предлага опозицијата, да не се меша извршната власт, туку тоа да се решава во рамки на законодавната власт. Тие ставиле дека не е дел од извршната власт, како не е дел од извршната власт ако Владата го предлага.
