Ниту една вештачка акумулација нема доволно капацитет да ги сервисира потребите за електрична енергија претстојнава зима.
Ниту една ТЕЦ нема доволно јаглен/мазут. Дополнително, РЕК има и дефектни блокови.
Соларните фарми кои попмепзно се отвараа, имаат капацитет да осветлат улични светилки во Богданци, една вечер.
Исто е и со ветерниците кај Гевгелија.
Две години предупредувавме дека ќе дојдеме на ова дереџе. Правевме репортажи од празните вештачки езера, објавуваме скандали со местење тендери за ископ на јаглен, набавка на мазут. Две години, уво не ви чуе.
Сега не убедувате дека со вас ќе сме имале „сигурна иднина“ и Македонија „ќе продолжела да чекори напред“. Каде напред, другари, каде ќе чекориме во темница?
Се најавуваат рестрикции на снабдувањето се електрична енергија, исклучувања и драстичен пораст на цената на струјата. Во меѓувреме, имаме историски највисоки цени на горива и други нафтени деривати. И во исто време, финансовиот директор на МЕПСО Љупо Зиков пишува колумни во неговиот „Капитал“ и не повикува да сме гласале за СДСМ. Ма немој….
Да не зборувам за најавата за инфлација, нестабилноста на валутата, криминалот, катастрофалниот извештај на ЕУ за Македонија, слободите на говор и медиуми.
Доста беше, пишува уредникот на Инфомакс, Александар Митовски на Фејсбук.
