Во вечерашната емисија на ТВ Стар линковски се вклучи лидерот на бугарската политичка партија ВМРО-БНД кој се осврна на договорот кој Република Македонија го потпиша со Република Бугарија, како и спорот околу одредени историски личности. Каракачанов инаку важи за поддржувач на политиките на Зоран Заев и владината гарнитура, кои покажаа дека немаат проблем да му го пружат тоа задоволство и да потврдат дека македонскиот и бугарскиот се ист народ.
Според Каракачанов, македонскиот народ кој живее во источниот дел на Република Македонија се чувствува како бугарски и нивните предци биле бугари кои низ годините се населиле во Република Македонија. Тој исто така вели дека Република Македонија и македонскиот народ не треба со вжештена глава да се борат да докажат дека македонскиот јазик отсекогаш бил македонски и дека одредени историски личности се македонци, бидејќи според него постојат записи кои укажуваат на тоа дека Македонскиот јазик постои од 1944 година.
“Секојдневно слушам и читам по медиумите како Гоце Делчев е македонец, Христо Татарчев е македонец. Тоа не е вистина. Не е потребно никакво меѓусебно кошкање на таа основа бидејќи во историјата јасно пишува кој од каде бил и кој за која држава се борел. Доволно е да прочитате историја и ќе ви биде јасно. Таквите тврдења дека овие историски личности се македонци, се голема лага и заблуда”, вели Каракачанов.
Каракачанов додаде дека за разлика од македонците кои живеат во Република Бугарија, во Македонија живеат македонци кои се чувствуваат како бугари и нивната припадност треба да се признае како таква. Според него Република Македонија треба да ја признае реалната историја и да признае дека голем број на историски личности се бугари кои низ времето твореле на територијата на Република Македонија.