Доктор Владимир Ристовски кој работи ковид-центарот во градската општа болница „8. Септември“ во интервју за ТВ 24 вели дека бројот на пост-ковид компликации е зголемен.
-Младите кои беа хоспитализирани во нашата здравствена установа, скоро 95% беа невакцинирани. Починатите пациенти најчесто имаат некој коморбидитет или зголемена телесна тежина, вели тој.
Според докторот кој е кардиолог интернист, бројот на пост-ковид компликации е зголемен.
-Нив ќе ги поделам на 2 типа: минорни и мајорни. Минорните секојдневни во нашите амбуланти. Срцебиење, варијации на крвниот притисокот и недостиг на воздух и секој втор пациент што прележал Ковид-19 се жали на тие симптоми. Мајорните се срцевиот инфаркт, чиј број е намален во однос на претходните бранови, но сепак се присутни, вели Ристовски.
