Сериозните проблеми во македонското правосудството се детектирани во извештајот на Стејт департментот за Македонија, проблеми со корупција, притисоци врз правосудството, процедурални пропусти, a се споменува и неосновано определување на продолжен притвор.
Покрај овие загрижувачи нотирања во американскиот извештај од областа на правосудството, забелешки има и за слободата на говор и медиуми во Република Македонија.
Во извештајот се споменува и Александар Митовски, главен и одговорен уредник на Инфомакс кој беше осуден на 6 месечна затворска казна за наводно оддавање на службена тајна објавувајќи ја првата страница од исказот на сведокот Орце Камчев во случајот „Рекет“.
Во извештајот се говори и за кривичната пријава за Љупчо Златев за вест објавена на порталот Лидер.
-Владата ги гонеше новинарите во текот на годината за откривање на доверливи или класифицирани документи. На 4 март, скопскиот Кривичен суд го осуди новинарот Александар Митовски на шест месеци условна казна затвор за откривање доверливи документи поврзани со кривичната истрага „Рекет“. Тој ја објави првата страница од изјавата на сведок на неговиот портал, Инфомакс, во август 2019 година. На 30 јули, ОЈО поднесе обвинение против jупчо Златев, уредникот на „Лидер“, портал за финансиски вести, за откривање на класифицирани документи од АНБ во два текста објавени на порталот во јуни.
Стејт департментот го цитира и годишниот индекс на слобода на печатот на Репортери без граници на во кој се забележува дека, „за жал, високите владини претставници имаат тенденција да им се закануваат и да ги навредуваат новинарите. Културата на неказнивост е добро вкоренета и сè уште е пречка за безбедноста на новинарите.
Заклучно со 24 октомври, Здружението на новинари на Македонија регистрираше 16 случаи на напади врз новинари, од кои 14 случаи беа вербални, од кои повеќето беа закани по живот на социјалните мрежи, а два беа физички. Здружението го забележа фактот дека од сите вербални напади, осум се насочени против новинарки. Во сите случаи, здружението ги повика полицијата и обвинителството да истражат и да ги изведат сторителите пред лицето на правдата и ја повторија загриженоста дека неказнивоста останува сериозно прашање во врска со нападите врз новинарите. На 28 јули, здружението го повтори својот повик до властите да го изменат кривичниот законик за да осигурат дека нападите врз новинари се третираат како кривични дела кои се гонат по службена должност, стои во извештајот на Стејт департментот.
