Сите обиди за формирање на нови партии од веќе постоечките се покажале како неуспешни во изминативе 27 години. Ако некој смета дека може да направи нова структура која ќе биде конкурентска на ВМРО-ДПМНЕ се лаже бидејќи ваквите обиди се покажале како неуспешни повеќе пати, вакви се размислувањата на аналитичарите меѓу кои и Владими Божиновски по информацијата дека шеф на дипломатијата Димитров, работи на формирање нова партија која би имала работен наслов Конзервативна партија.
Алфа вчера објави информација дека новата партија на политичката сцена ќе има специјална задача – „рушење“ на ВМРО-ДПМНЕ однадвор, но и да ги привлече членовите на опозициската партија.
Доколку се реализира ваквата идеја, новата партија би требало да директен конкурент на ВМРО-ДПМНЕ. Но не и сериозен, со оглед на неуспешните обиди низ македонската политичка историја да се созздаде вештачки конкурент на ВМРО-ДПМНЕ кој би се понудил како трета опција.
