Претставници на Државниот универзитет во Тетово и компанијата ЕЛЕМ денеска во ректоратот на ДУТ потпишаа меморандум за соработка помеѓу овие две институции.
Според проректорот за настава на ДУТ Решат Ќаили, соработката со ЕЛЕМ е значајна за ДУТ а особено за студентите од техничките науки и Економскиот факултет.
– Освен теорија за своите студии студентите од посечните факултети и програми ќе имаат можност за пракса во капацитетите на ЕЛЕМ. Истовремено за шест студенти ќе има и стипендии од оваа државна компанија така што нашите студенти имаат можност за стекнување пракса и искуство, но и идеи и работи од нивен интерес изјави Ќаили.
Генералниот директор на ЕЛЕМ Христијан Мицкоски посочи дека освен континуираното образование на инжинерско техничкиот кадар ќе бидат организирани семинари и работилници и од овие две институции, но и на други чиј делокруг на работа е од интерес на ЕЛЕМ.
– Меморандумот за соработка предвидува и можност за стипендирање студенти од завршните години но и на постипломци од насоките и програмите од интерес на нашата компанија и доколку покажат соодветни резултати и нивно вработување во ЕЛЕМ рече Мицкоски.
Заменик генералниот директор на ЕЛЕМ Фатмир Лимани посочи дека ова е прва соработка на ЕЛЕМ со некоја високообразован институција во земјава и најави дека слични договори ќе се потпишат и со останатите државни и приватни универзитети во Македонија.
