Турскиот претседател Реџеп Таип Ердоган му порача на американскиот претседател eо Бајден дека Америка треба да се погледне во огледало и изјавата на американскиот претседател во која се зборува за геноцидот врз Ерменците ја нарече деструктивна и штетна за билатералните односи помеѓу двете земји.
Говорејќи на турската телевизија, Ердоган исто така рече дека Анкара е разочарана од постапките на Бајден кој го нарече ерменскиот масакр во 1915 година геноцид затоа што се коси со историските податоци. Тој исто така ја спомна историјата на Америка, ропството и прогонот на Индијанците и додаде дека многу американски активности може да се сметаат за геноцид, од Индијанците до Виетнам.
Тој додаде дека изјавата на Бајден следи под притисок на радикалните ерменски групи и антитурските кругови.
Ердоган додаде дека изјавата на Бајден ќе има деструктивно влијание врз билатералните односи.
Турскиот претседател понуди и отворање на архивите на таа земја, како и заедничката работа на историчарите за да утврдат што се случило пред еден век, цитираше Ројтерс.
Ердоган го повика Бајден да ја повлече изјавата за геноцидот врз Ерменците.