Заева утре пак ќе биде дел од хуманитарниот настан во организација на здружението ,,Вера’’ посветен на лицата со посебни потреби, каде ќе прошета по модната писта. Неодамна таа за „Репортер“ изјави дека поканата ја прифатила веднаш, без двоумење и дека е среќна што ќе биде дел од оваа модна ревија.
Денес во Струмица е организирана дебата против насилството на жените, која е под покровителство на Зорица Заева, сопругата на премиерот Зоран Заев. Настанот е ,,Заедно против насилството врз жените’’ и е во рамките на глобалната кампања иницирана од Обединетите Нации ,,16 дена активизам против родово базирано насилство’’.
Целта на дебатата е да се покаже дека само со заедничко дејствување може да се постигнат посакуваните резултати за намалување на родовото базирано насилство. Учесничките во дебатата ќе ја објаснат улогата на секоја надлежна институција и организација, и за тоа што преземаат за превенција и заштита на жените кои се жртви на насилство.
