Ограда на оградата, ова е сликата која што може да се види утрово пред Владата на Република Македонија. Зоран Заев ветуваше Влада без ограда отворена за сите, за утрово покрај оградата, граѓаните да видат уште една ограда која го блокира пристапот до Владата уште од раскрсницата пред мостот „Гоце Делчев“.
-Денеска ве повикувам да дојдете и да уснимате пред да почне седницата на Владата за да знаат граѓаните, тоа е Влада на сите граѓани, да ги видите сите детали, секако тоа е правено со народни пари, одлуките ќе ги носиме соодветно како и ние ја согледуваме и чувствуваме својата потреба, портите се отворени на Владата и тоа беше наједноставниот начин да го направиме уште пред почетокот на викендот и тоа веќе функционира, рече Заев во изјава за медиумите неколку дена по стапување на функцијата.
Тој уште дополни и дека оградата најверојатно ќе ја сече и од неа би правел столчиња и клупи за седење, за сега да гледаме дека не само што не ја исекол постоечката, туку дополнително ја оградил Владата со уште една ограда.
