Иако кампањата за референдумот официјално почнува на 10-ти септември, владата и разни европски и светски бирократи веќе ја започнаа својата кампања против бојкот на референдумот. Стравот е огромен кај нив дека референдумот нема да го исполни цензусот и ќе пропадне. Токму поради оваа причина на денешната прес конференција по повод вчерашното насилно изгласување на референдумот во парламентот, Заев ги опомена граѓаните.
Заев го потврди владиниот став дека во случај граѓаните да се решат за бојкот на референдумот за промена на името, обврската за носење на одлуката дали ќе се имплементира договорот се пренесува на инстиуциите.
Според Заев на референдумот единствено постои опција да се гласа ,,Да’’ или ,,Не’’, но не и опција дали да се излезе или не на реферндумот.
