Новинарот Арбен Раткоцери во вечерашната дебата во емисијата „Патот кон“ на телевизија Алсат, возврати на изјавата на лидерот на партијата Алтернатива, кој рече дека е заинтересиран за коалицијата со партијата на Зијадин Села, запрашувајќи го како би можело да изгледа една предизборна кампања ако неговата партија, којашто е дел од власта, влезе во предизборна коалиција со опозициската Алијанза за Албанците на Зијадин Села.
„Ме интересира. Алтернатива моментално е на власт, значи е во коалиција со ДУИ, намерно го спомнувам ова, и со СДСМ. Не знам јас во кампања…ако правите коалиција со албанските опозициски партии, не знам како ќе личи таа кампања ако вие ја нападнете ДУИ или актуелната Влада, што и на почеток на емисијата спомнавте…не сакам да навлезам во тоа дали имате право или не, можеби и сте во право, нема дилеми, но не знам како ќе се сфати сериозно ова кај гласачите. Вашата позиција е тешка и во Влада, додека сте во Влада ги црпите добрата, а во меѓувреме сакате да изгледате како да сте опозиција“, рече Раткоцери.
