Зоран Заев започна да ги плаќа фактурите за неговото нелегитимно и насилно доаѓање на власт. Најмалку 9 милиони денари годишно од парите на македонските граѓани, антиреформската влада на СДС ќе им плаќа на луѓето кои го уништија невладиниот сектор одработувајќи за интересите на владејачката партија, изјави денеска на прес конференција Невенка Стаменковска од ВМРО-ДПМНЕ.
Денеска Стаменковска обвини дека најмалку 9 милиони денари годишно чини бруто платата која ќе ја земаат 13 т.н. специјални советници на Зоран Заев, за кои таа кажа дека дефинитивно докажаа дека нивната цел никогаш не била да бидат невладин коректив на власта, туку да седнат на фотелји и да станат владини чиновници.
-9 милиони денари годишно Македонија ќе им плаќа на профитерите кои изминативе години додека глумеа невладин сектор направија стотици илјади евра штета, сквернавеа споменици, уништуваа државен имот, ја палеа и ограбуваа канцеларијата на Претседателот на Република Македонија, Ѓорѓе Иванов, изјави Стаменковска.
Стаменковска кажа дека граѓаните мора да знаат дека 9 милиони денари чини само последниот конкурс за советници на Зоран Заев, а целосната сума е неколкукратно поголема кога ќе се соберат сите вработувања во владата на екс-невладините профитери кои одработуваа сето ова време за СДС, криејќи се зад превезот на невладиниот сектор.
-9 милиони денари годишно е сумата која наместо да се искористи за повисоки пензии, социјална помош или лекување на болни деца, ќе им биде плаќана на овие профитери и одработувачи како што се: Зоран Бојаровски, Бојан Маричиќ, Дане Талески, Марјан Забрчанец, Петрит Сарачини, Никола Наумовски, Петар Арсовски, Ѓунер Исмаил, Бранимир Јовановиќ, Мирослав Грчев и многу други сеачи на магла. Наместо сите граѓани да добијат 500 евра просечна плата како што им ветуваше Заев, оваа сума ќе ја видат само неколкуте десетици најзаслужни профитери и одработувачи за интересите на СДС и Зоран Заев кои ги лажеа во очи граѓаните дека ги бранат нивните интереси како коректив на власта, а имаа за цел да го бранат интересот на аболицираниот криминалец кој за истото дебело ги наградува, изјави Стаменковски.
