Министерот за здравство Венко Филипче за утре закажа прес-конференција на која, најверојатно, ќе бидат соопштени одлуките од седницата на Комисијата за заразни болести.
Прес-конференцијата е закажана за во 11 часот.
Според непотврдени информации, Комисијата за заразни болести смета дека ограничувањето на движењето – полициски час – од 22.00 до 05.00 часот е несоодветна и недоволно строга мерка.
Неофицијално, се планира зголемување на времетраењето на полицискиот час од 17.00 часот секој ден, до 05.00 наутро.
За време на викендите, полицискиот час би бил и построг.