Високиот партиски функиониер на ВМРО-ДПМНЕ, Владо Мисајловски, во вечерашното издание на емисијата „Патот кон“ на Алсат посочи дека Законот за јавното обвинителство не треба да го прават политички партии туку експерти кои ќе ги почитуваат европските правила.
Гледаме дека во многу сфери во изминативе три години има многу корупција, а нема постапки. Го браневте „Рекет“, му рече Мисајловски на Дамјан Манчевски од СДСМ во вечерашното гостување емисијата.
„Со Законот за јанвото обвинителство, СДСМ повторно сака да се оживее СЈО, односно се она што хибридното СЈО го правеше и сега да се прави, но во посебно јавно обвинителство. За овој закон не треба политичките партии да прават закони туку експерти, да направат европски закон. Власта мора да ги прифати забелешките на ВМРО-ДПМНЕ. Се создаде едно чудовиште од СЈО, во судот се заглави со „Рекет“. Може да видиме дека денес Транспаренски не посочи како најкорумпирана држава во Европа. Мора да вадиме поуки. Не е добро да се донесе од луѓе блиски до власта или наши луѓе. Експерти треба да го направат законот. Ако се сака тоа може да се направи“, рече Мисајловски.
