Деновиве во јавноста и медиумиете е актуелно назначувањето на баџанакот на собранискиот спикер Талат Џафери за член на антикорупциската комисија. Да биде револтот уште поголем Нури Бајрами денес беше назначен за потпретседател на антикорупциското тело.
Опозицијата и граѓаните обвинуваат за непотизам, а самипт Џафери се правдаше дека нема никаква врска со назначувањето на баџанакот на оваа функција.
За да се даде кредибилитет и отфрлат обвинувањата за непотизам, во јавноста излезе дури и министерката за правда Рената Дескоска која правно толкуваше дека баџанак не се сметало за роднинска врска и назначувањето е законски оправдана и издржано.
Колку за потсетување, пред само две години СДСМ, тогаш од опозиција идентично на овој случај обвинуваа за непотизам и од уста не го вадеа баџанакот на тогашниот директор на УБК, Сашо Мијалков. Ред се реда партиски функционери на СДСМ на пресови, обвинуваа и прашуваа како баџанакот станал универзитетски професор, како станал судија за човекови права во Стразбур итн.
