Вработените во меѓународните институции со седиште во Брисел ќе бидат вакцинирани против Ковид-19 во посебни центри кои нема да бидат достапни за другите жители на Белгија.
Одлуката за вакцинирање на персоналот на НАТО, Европската комисија и Европскиот парламент одделно беше донесена во договор со локалните власти на Брисел.
Сите три институции ќе го вакцинираат својот персонал во посебни установи во нивните згради кои сè уште не биле адаптирани за таа намена.
Се проценува дека на овој начин ќе се вакцинираат околу 31 илјади вработени во институциите, што не важи за членовите на нивните семејства.
Здравствените власти во Брисел наведуваат дека вакцинацијата на претставници на ЕУ е дел од целокупната стратегија на регионот и дека ќе започне во март, што значи дека тие нема да примаат вакцини пред приоритетните категории на луѓе.
