Епидемиологот и член на Кризниот штаб за борба против коронавирусот во Србија, Предраг Кон, вели дека собирите на отворено без носење маски може да бидат дозволени за месец и половина до два. Тој посочи дека луѓето имаат избор или да се вакцинираат или да се заразат, а секој што ќе избере да се зарази треба да знае дека стапката на смртност од болеста е еден процент – што значи дека еден од сто луѓе умираат од оваа болест, или на седум милиони луѓе тоа е 70 илјади
„Многу наскоро, кога ќе опадне активноста на вирусот, за месец и половина, ќе си дозволиме да бидеме на отворено без маска“, изјави Кон за Н1.
Неговиот впечаток е дека граѓаните не ги слушаат препорачаните мерки и дека за препорачаното „сега со сигурност знаеме дека никогаш нема целосно да профункционира“. Кај нас, обврската се третира како препорака“, вели тој, додавајќи дека тоа може да се види во примерот на вакцинацијата против грип, која е задолжителна, а не се спроведува.
Тој посочи дека луѓето имаат избор или да се вакцинираат или да се заразат, а секој што ќе избере да се зарази треба да знае дека стапката на смртност од болеста е еден процент – што значи дека еден од сто луѓе умираат од оваа болест, или на седум милиони луѓе тоа е 70 илјади.
„Му посакувам се најдобро на секој што ја донесе таа одлука, да има лесна форма на болест, дури и ако ја нема, и да добие имунитет, но тоа не е мудра одлука. Доколку имаат поголем страв од вакцина отколку од инфекција, таа одлука не може да им се остави, бидејќи на тој начин можат да ја заразат околината и пациентите“, вели епидемиологот.
Тој не смета дека вакцинацијата треба да биде задолжителна за никого, освен за здравствените работници.
Според него за колективен имунитет потребно е да се вакцинира најмалку половина од возрасната популација, а за да бидат „целосно безбедни“, 80 проценти од луѓето треба да ја примат вакцината.
