Рецептот го видов во емисијата Храна и вино, и воопшто не згрешив што го направив. Воодушевени сме и од вкусот и од мирисот.
ПОТРЕБНИ СОСТОЈКИ:
4 јајца
100 г шеќер во прав
150 г путер
2 лажици какао
1 прашок за печиво
3 лажици брашно
150 г мелени ореви
ЗА ФИЛ:
200 г џем од праски
150 г мелени ореви
150 г шеќер во прав
2 ванилин шеќер
50 мл рум
200 г чоколадо за готвење
3 лажици масло
ПОСТАПКА:
Одвојте ги белките од жолчките. Од белките со миксер изматете цврст снег. Во садот со жолчките додадете путер и шеќер во прав, ма со миксер изматете за да се добие пенаста маса.
Потоа додадете ги сувите состојки (брашно, прашок за печиво, ореви и какао), па со шпатула или лажица соединете. На крај додадете го и снегот од белки, па со лесно превртување мешајте додека убаво да се соедини.
Правоаголен плех или тепсија 32х20 см намастете и набрашнете, па во него излејте ја смесата и израмнете. Печете 30 минути во загреана рерна на 180 степени. Печената кора изладете ја.
Во садот со мелени ореви додадете шеќер во прав, ванилин шеќер и рум. Убаво промешајте со лажоца. Изладеното тесто премачкјате го со џем од праски и одозгора нанесете го филот од ореви. Со раце натапкајте одозгора за да се залепи оревот.
Чоколадото со маслото растопете го во микробранова печка или на пареа, промешајте и рамномерно премачкјате преку колачот. Изладениот колач сечете го со загреан нож на коцки: Прво ножот ставете го под млаз врела вода од чешма или сад со врела вода, па избришете го, па сечете. И така секое засекување за да ви биде прецизно и рамно.
Исечените коцки наредете ги на тацна, декорирајте ги по желба и послужете ги. Ние уживавме во овој колач со попладневното кафе и десертно вино.
Фото и рецепт: Гагахерц