Уредникот на Инфомакс, Александар Митовски во телевизија Алфа истакна дека Зоран Заев не е оној кој го пријавил рекетот туку дека истото го сторил Орце Камчев на 2 мај. Ако случајот го пријавил Зоран Заев ќе постоел записник, а најголемата грешка на Русковска е тоа што таа ја поддржува тезата на екс премиерот.
-Зоран Заев нема пријавено ништо . Значи Зоран Заев нема ништо пријавено затоа што ако пријавил законска обврска на обвинителот е да состави записник. Пријавува на 2 мај, Орце Камчев. Вилма Русковска ја прави грешката во тој момент кога ја поддржува тезата на Зоран Заев дека прв пријавил. 10 јуни мислам дека беше последен пат кога Зоран Заев објаснуваше дека Катица Јанева треба да биде јавен обвинител во оделението за организиран криминал и дека таа била најспремен, најдобар обвинител и треба да продолжи да работи. Ако одиме по неговата логика тој знаел од ноември 2018 година што се случува и тој за сите тие месеци сметал дека Катица Јанева е најдобрата до моментот кога Вилма Русковска веројатно го има исконтактирано дека ситуацијата е таква каква што е, вели Митовски.
