Тимчо Муцунски, меѓународен секретар на ВМРО-ДПМНЕ во своето гостување во емисијата „Топ Тема„ зборуваше за Преспанскиот Договор при што посочи дека во врска со овој договор СДСМ и ВМРО-ДПМНЕ имаат различен став и различни толкувања на тоа што значи заштита на национални интереси.
– Еве да навлеземе во содржината на овој договор кој што ВМРО-ДПМНЕ како политичка партија смета дека се злоупотребуваат и повредуваат националните интереси, дека е навредлив по својата содржина, но факт е дека можеби на еден шверцерски начин дека истиот е ратификуван во Собранието, истакна Муцунски.
Тој во своето гостување зборување и за прес конференцијата на министерката за труд и социјална политика, Рашела Мизрахи каде укажа на тоа како што кажа и министерката дека била табла која и претходно била во министерството.
-Мене тоа ми е многу логично бидејќи претпоставувам дека сега вицепремиерката Царовска подетално го прочитала Преспанскиот Договор во кој што е предвиден согласно истиот политички преоден период кој што се однесува на сите документи и материјали за внатрешна употреба и вели дека тој процес треба да се заврши при отварањето на секое поглавје на релевантно поле во преговорите и ќе биде финализирано во рок од 5 години оттогаш. Оттука заклучок е дека согласно овој договор кој е ратификуван во нашето Собрание нема обврска по мое толкување биде смената оваа табла, потенцираше тој.
Муцунски посочи дека со промоцијата на новата трговска марка Грција експлицитно го прекршува член 3 точка Ж каде што е предвидено формирање на меѓународна група на експерти од претставници на двете држави кои ќе ги разгледуваат тие две прашања и оттука се поставува прашањето зошто од МНР немаше таква жестока реакција која друга страна го прекрши договорот.
