Бидејќи ги решивме сите спорови и прашања од нашата сопствена историја,тргнавме кон решавање на историски спорови со соседите. Но, само со некои од нив, пишува познатиот бугартски новинар и блогер Иво инџев кој со доза на сарказам ја анализира моменталната бугарска политикја кон Македонија и најавената блокада за ЕУ.
Да се потсетиме какви спорови имаме со Романија околу границите, територијата, бугарскиот јазик во основата на романскиот јазик…пишува Инџев и вели дека тоа е надминато но што е поважно „никому не падна на памет да ги расчистува тие сметки при влегувањето во ЕУ“.
Инџев понатаму прашува „дали можеби се направени помалку големи злосторства врз Бугарите во денешна Северна Грција во минатиот век отколку во Титова Македонија? Колку што се сеќавам од баба ми, прогонета од Кукуш, кој сега го нарекуваат Кукуш, ние со пепел покривме големи ужаси таму“.
За односото со соседите Срби, Инџев констатира: „Според многумина во нашата земја, тие се најдоследниот историски противник на бугарството меѓу сите наши непријатели. Но, српската скара и „југофолкот“ одамна ги зафатија стомаците и душите на многу Бугари“.
Да не ги спомнувам Турците, зашто повторно ќе биде страшно…вели Инџев и констатира:
„Сепак, ги избравме најслабите соседи за да им покажеме кои сме и кој управува со возот на непостоечката линија Софија – Скопје.
Така изгледаме во очите не само на странците на кои обично обидуваме да им се допаднеме, туку и во нашето огледало.
Досега постигнавме сомнителна цел, кон која се стремиме подолго време. Конечно, го привлековме светското внимание без да бидеме погодени од природна катастрофа, војна или друга несреќа, што, како по правило, ги поставува малите земји и нации на водечко место меѓу светските вести“ вели новинарот во подолгиот напис на неговиот блог.
На крајот подучува:
„Главната референтна точка за нас треба да биде нашата иднина како земја што го надмина, не само својот историски товар на т.н. македонско прашање, туку исто така си направи и услуга да даде решителен придонес кон запирање на тлеењето на тензија во близина на нашето национално огниште“.
