Минатиот вторник рускиот претседател Владимир Путин ја прими првата доза руска вакцина против коронавирус, а настанот се одвиваше преку медиумските камери. Наредната доза шефот на руската држава ќе ја прими за три недели.
Во ТВ-емисијата „Русија 1“, тој откри дека очекувал некои несакани ефекти по вакцинирањето против коронавирусот. Како што рече, тој ставил термометар на ноќната маса за секој случај.
Инаку Владимир Путин се чувствува добро, немаше никакви нус-појави по вакцинацијата против коронавирус, изјави претходно портпаролот на шефот на руската држава Дмитриј Песков.
Кремљ не објави која вакцина ја примил претседателот, истакнувајќи дека тоа го знаат само Путин и неговиот лекар. Претходно Песков изјави дека сите руски препарати против ковид-19 се квалитетни и безбедни.
