„Не знам како со намалување на бројот на часови може да се постигне нешто повеќе.
Во „Финскиот модел“ постои предмет историја. Во Словенија покажуваат високи резултати во овие тестирања. Историја во Словенија е посебен предмет, се изучува исто како и кај нас. Формата не може да е пречка, пречка може да е суштината. Ние ништо не сме направиле како држава да го унапредиме начинот на кој се предава историјата. Во Словенија помалку учат математика за разлика од нас. Со ова ова комбинирање на предмети не гледам како би се решиле проблемите. Не го копираме начинот како се изведува наставата, а не сме ни побарале помош од тие земји (Финска). Има експераментални промени во образованието. Ние реформи правиме само во основно образование, а тие промени не стигнуваат до средното образование. Не е здраво да се прават тие експерименти на жива материја, на нашата иднина, на деца. Ова ми личи на краткорочни ад-хок решенија“ вели историчарот Мире Младеновски во Студио 10 на ТВ24.
