Поради основен долг само кон три компании-побарувачи од Македонија, ГП „Бетон“ АД Штип, кое во изминатиов период беше предмет на истpага на СЈО, од вчера е под стeчај. Првичните побарувања од трите фирми, предлагачи за отворање на стечајна постапка, изнесуваат 76,7 милиони денари.
По објавување на cудската одлука за cтечај на „Бетон“ во Службен весник и на огласните табли во cудот, како и по објавата во два весника од страна на назначениот стечаен управник Драги Димовски, бројот на побарувачите и вкупниот долг на „Бетон“ се очекува значително да се зголеми, најмногу од вработените кои побаруваат нeисплатени плати.
Во меѓувреме, дел од работниците отишле во странство, а дел за да ја искористат градежната сезона почнале да работат во други градежни фирми па сега е неизвесен вкупниот број на вработените во „Бетон“ Штип. Заминувањето на работници се зголемило уште кога се појавија првичните гласини дека фирмата ќе оди под стечај.
Поради ваквата состојба на градежната компанија, градежните активности што оваа фирма ги почна, веќе неколку месеци стaгнираат, а на некои објект се и целосно зaпрени. Тоа важи и за изградбата на Клиничката болницa во Штип која требаше да биде готова пред две години. Но, поради новонастанатата состојба грчката градежна фирма „Интеракт“ која беше изведувач на работите, лани го прeкина договорот со Бетон.
Во прeкин на изградба се и објектите што ГП Бетон АД Штип почна да ги гради и во Скопје некои дел од проектот 2014 година. „Бетон“ ја запре изградбата на Офицерскиот дом и на хотелот до Офицерскиот дом, како и зградата на ФИНКИ.
Според последниот сертификат изготвен од брокерска куќа, објавен на веб страницата на градежната фирма, во сопственичката структура се компаниите ТИМ ДОО Скопје со 8.150 акции и со право на глас од 19, 50%, Орка Холдинг АД Скопје со 7.101 акција и со право на глас од 16, 99%, Езимит ДООЕЛ Штип со 6.611 акции и со право на глас од 15. 81%, ДПТИ Ексико ДООЕЛ Скопје со 6.000 акции и право на глас од 14, 35%.
Членови на одборот на директори се сопственикот на Винаријата „Езимит“ Зоранчо Митровски од Штип како претседател и извршните членови Ванчо Мијалчев градоначалник на Пробиштип од 1996-2000 година, генерален директор на Злетовица од 2001-2003 година и претседател на одборот на директори при рудниците Злетово од 2000-2002 година.
Извршни членови се охриѓанецот Цветан Панделески, кој бил во одборот на директори во ЗК „Пелагонија“ во Битола, акционер во „Лозар Пелистерка“ АД Скопје и во „Стопанска банка Битола“, и Валентина Димовска, директор за технички прашања на Клиничката болница Систина од 2012 година.
