Откако вчера без никаква причина бев ставена во спин-кујната на СДС за фабрикување на #fake news и мојот твит кој, всушност, беше прашање дали некој има инфо што се случува пред Клиничкиот центар, зошто има борни коли и специјалци со митралези, денес добив извинување од главниот уредник на порталот tocka.com.mk Дениз Селимовски.
Извинувањето е примено, но горчината од лажните вести и потребата да бидам постојано предмет на напад не можам да ја прифатам.
Во ова лудило човек не смее ништо да праша, веднаш ќе му се нафрлат хиените и ќе бараат крв.
Така не се гради европско општество.
Постојаната потреба од навреди и лични жигосувања, навреди и линчови нема да не доведат до никаде.
Човек треба постојано да биде буден и да ги следи лажните вести што кружат за него и да се бори против нив.
Тоа е навистина исцрпувачко за сите и фрлена енергија без потреба!
СТОП ЗА ЛАЖНИТЕ ВЕСТИ, пишува професорката Тања Каракамишева на Фејсбук.