Лидерoт на бугарското ВМРО, министeр на одбрана и вицепремиер на Бугарија Красимир Каракачанов повика на заеднички активности за одбележување на датуми, каков што е 4 мај кога се одбележува годишнина од загинувањето на Гоце Делчев. Обраќајќи се на Македонија тој предлага пред Грција заеднички да се постави прашањето за поставување споменик на Гоце Делчев крај Баница, Серско.
На денешна дата пред 117 години загина херојски Гоце Делчев. Тоа беше еден убав повод заедно со на нашите браќа од Северна Македонија, како што е според Договорот за добрососедство, да го одбележиме заедно сеќавањето на Делчев. Се надевам, причината тоа да не се случи не е немањето желба на политичарите во Скопје, туку коронавирусот – напиша Каракачанов на својот профил на Фејсбук.
Тој во својот статус се осврна на изјави на претседателот Стево Пендаровски кој, како што вели, го споредил Делечв со денешните македонски граѓани кои бараат бугарско државјанство.
Додека ние се караме чиј е Делчев, неговиот прв гроб стои запоставен некаде зад олтарот на црквата во разрушеното село Баница. Не е ли време заедно, како братски држави, да го поставиме пред партнерска Грција прашањето за поставување споменик на Гоце Делчев и да го чествуваме сеќавањето на него заедно таму? А можеби таму во руините на селото Баница, каде што сѐ уште живее духот на Гоце Делчев, ќе ги најдеме мирот и просветлението што ги имаше тој, додава Каракачанов.
