Годишно четири милиони евра народни пари се одливаат од џебовите на граѓаните на сметките на СЈО, за кои Катица Јанева одбиваше да каже каде се трошат. Благодарение на прашањата на новинарите, јавноста дозна дека помеѓу астрономските плати на обвинителите од 3.500 евра, парите се трошеле и на скапи патувања, хотели и аранжмани, странски советници, но и медиумски мегафони
Ваквата функција на обвинителите, кои земаат по 3.500 евра месечна плата вкалкулирани бонуси предизвика гнев кај Македонската јавност, а во целата своја дрскост Катица Јанева побара продолжување на мандатот, како и донесување на нов закон за заштитени сведоци, барање кое со акламација го отфрлија пратениците на ВМРО-ДПМНЕ, кои сметаа дека Собранието не е желботека, и дека се што е договорено во Пржино е исполнето.
Ако некој се сомневал во тоа зошто Катица бара нов мандат, одговорот ќе ви го даде Ленче Рисотвска.
Имено, продолжен мандат, значи и повеќе плати, пари, повеќе патувања. Токму како во примерот со Ленче Ристовска, која освен тоа што како што можете да видите на фотографиите била на прошетка во луксузната Куба, беше и на патување во САД каде што доби обука од тамошната влада.
Катица пак, се шеташе во соседството на луксузни, скапи вечери со амбасадори во Белград, се фотографираше во Италија, а беше и на посета во вилата на Заев во Грција.
