Католичката црква може да го „екскомуницира“ американскиот претседател Џозеф Бајден за застапување за правото на жените на абортус. Римокатоличките бискупи во Соединетите држави покренаа постапка за забрана за причестување за Бајден, кој редовно присуствува на миси и практикува верски обреди.
И покрај пораките од Ватикан да не се политизираат религиозните учења, Конференцијата на американските католички бискупи донесе одлука со мнозинство од 168 гласа „за“ и 55 „против“, со што се отвори патот на сите католички политичари кои го поддржуваат правото на абортус на жените да имбиде забрането да се причестуваат.
Во првата реакција на резултатот од гласањето на бискупот, Бајден, вториот американски претседател со католичка вероисповед по Џон Кенеди, рече дека причестувањето е приватна работа и дека не очекува тоа да се случи – да му биде одбиен чинот на примање на светата тајна.
Biden looked like a deer in the headlights just now as a reporter asked for his thoughts on U.S Catholic bishops taking steps toward possible rebuke of him due to his conflicting actions on abortion:
“That’s a private matter and I don’t think that’s going to happen.” pic.twitter.com/xa84y97GwB
— Benny (@bennyjohnson) June 18, 2021
„Абортусот е директен напад врз животот, кој исто така ја повредува жената и го поткопува семејството. Тоа не е само приватна работа, туку покренува загрижувачки и основни прашања за братство, солидарност и вклучување во човечката заедница“, рече архиепископот Гомез во јануари.
Епископската конференција, иако ја донесе одлуката, всушност, нема моќ да му забрани на Бајден да се причестува. Оваа можност е резервирана за локалните бискупи, кои имаат автономија во своите епархии или папата.
Ватикан претходно ги предупреди владиците да не им забрануваат право на причестување на политичарите, вклучувајќи го и Бајден, заради нивниот став кон абортусот. Папата Франциско веќе ги предупреди високите прелати во САД да не ја користат светата тајна на заедницата како политичко оружје.
Њујорк Тајмс наведува дека гласањето на американските бискупи било „драматична демонстрација на моќта на растечкото конзервативно движење во рамките на католицизмот“.
Несогласувањата околу Бајден и правото на абортус ги потенцираат политичките и културните поделби во рамките на црквата.
Иако црквата се противи на абортусот, повеќе од половина од американските католици го поддржуваат легалниот абортус. Има сличен број на оние кои сметаат дека ова е недопустливо.
Дебатата во Католичката црква за забраната на причест за политичарите кои јавно отстапуваат од религиозните учења беше иницирана минатата година, кога веќе беше предвидено дека Бајден ќе го победи Доналд Трамп на изборите. Некои бискупи забележаа дека брзањето на нивните конзервативни колеги кои се залагаат за усвојување строги правила за пристап до светите тајни се совпаѓа со подготовките за изборите за Конгресот во 2022 година.
