На вечерашната седница на ЦО на СДСМ за нов заменик-министер за економија премиерот Заев го предложил адвокатот Кирил Колемишевски, кој влегува во политиката од позицијата в.д. директор во Македонската банка за поддршка на развојот. Актуелниот заменик во ресорот на Крешник Бектеши, Кире Наумов, ја напушта функција и заминува на чело на Банката за развој.
Кирил Колемишевски на јавноста и е многу повеќе познат како член на бендот „Нокаут“. Тој инаку е адвокат кој се занимава со стопанско право.
Освен Колемишевски, се очекува вечерва ЦО на СДСМ да го поддржи предлогот, Нина Ангеловска да биде кандидат на СДСМ за министер за финансии на испразнетото место на Драган Тевдовски.