Интер не успеа да го победи Удинезе и не го искористи најдобро поразот на Милан од Аталанта, а на следната средба ќе биде без својот тренер Антонио Конте.
Во судиското продолжение, Конте дофрлуваше кон главниот судија Фабио Мареска, по што овој му покажа жолт картон. Но, тренерот на Интер само го зголеми интензитетот на сочни зборови кон судијата, па заработи и исклучување.
– Секогаш ти, секогаш ти Мареска. Дури и во ВАР, секогаш си ти, добро завршена работа Мареска, – зборувал Конте кон судијата.
По завршувањето на дуелот, Мареска му покажал црвен картон и на тимскиот менаџер Леле Ориали, кој очигледно продолжил со офанзивата кон главниот судија.
Она што фудбалските фанови не можеа да го видат на тв екраните е пресметката која се случила кога сите актери на средбата се упатиле кон соблекувалните, а италијански „Скај Спорт“ тврди дека повторно имало најмалку вербален напад врз судиите, а се создала и голема мешаница поради која може да има дополнителни санкции.