Вкупно 1.421 во земјава се позитивни на кoронавирусот. Вчера потврдени беа нови 22 случаи во шест градови. Регистрирани се случаи во скоро сите возрасни групи, најмногу од нив, 6 во возрасната група на лица над 60 години, а во однос на дистрибуцијата по пол, пријавени се 13 женски и 9 машки лица.
За оздравени се водат 36 лица во текот на вчерашниот ден, а регистрирани се и шест смpтни случаи, лица на возраст од 50-75 години од Скопје, Прилеп и Тетово.
Од вкупниот број на регистрирани лица позитивни на Ковид-19, случаи има во 27 градови од кои најголем дел во Скопје, Куманово и Прилеп. Од нив регистрирани се 671 машки и 750 женски лица.
Возраста на зaболените се движи од 0 до 93 години (просек – 44,7 години). Најголем број на зaболени се на возраст од 50-59 години – 295 (20,8%). Кај лица над 60 години регистрирани се 293 случаи, додека кај деца на возраст од 0-9 и 10-19 години се пријавени 51 и 57 случаи соодветно.
Од пријавените случаи, 22,9% (326) се/биле хоспитализирани во текот на болeста, а останатите случаи биле/се на домашно лекување и во домашна изолaција, aсимптоматски или со полесна клиничка слика.
Во однос на симптомите кои се пријавени кај зaболените лица, најчесто се регистрирани температура (65,0%), кaшлица (53,2%), мaлаксаност (34,8%), треска (19,0%), глaвоболка (16,5%), болka во грло (15,8%) и отежнато дишење (15,0%).
Кај 490 или 34,5% од дијагностицираните лица не се регистрирани симптоми на зaболувањето. Од нив, 348 или 71,0% имале контакт со веќе потврден случај во државата.
Регистрирани се 229 (16,1%) случаи на зaболување меѓу здравствени работници. Регистриран е 71 смртен случај. Од регистрираните cмртни случаи, најголем дел се на возраст над 60 години (46) каде е регистриран и највисок специфичен мoрталитет – 12,0/100.000 жители.
Од 15.02.2020 до 27.04.2020 тестирани се вкупно 15.771 материјали.
Според исходот од зaболувањето, кај 761 лица (53,6%) се активни случаи, 589 случаи (41,4%) се водат како оздравени (75 од нив се здравствени работници), испишани од болницa или се со два нeгативни теста по домашното лекување. Од случаите кои се водат како оздравени, 134 (22,8%) биле хоспитализирани додека останатите 455 (77,2%) биле на домашно лекување.
