Историчарката Наташа Котлар со осуида за преименувањето на двете училишта во скопската општина Чаир.
„Се прашувам, како може некому да му пречат имињата на македонските поети и мислители од светска категорија!? Ваква суровост и невоспитаност кон преродбеникот Р. Жинзифов, кој пеел за ‘дух на љубов, дух слободен’ и кон, пред сè, хуманистот Н. Вапцаров, кој пишувал дека еден ден ‘сѐ ќе ѝ раскажеме на мајката историја’, значи само едно – сиромаштија на дух преполн со лоши намери и неблагодатност! Ова го велам по повод денешната фалба на министерот од ‘северното’ образование дека денес ја завршил процедурата за промена на имињата на основните училишта ‘Никола Вапцаров’ во ‘Имри Елези’ и ‘Рајко Жинзифов’ во ‘Исмаил Ќемали’ во скопската општина Чаир. Бедно и недобронамерно, перверзно!“, грми во коментарот на Фејсбук професорката од Институтот за национална историја (ИНИ).
