Препораката на Комисијата за почеток на преговорите е услов за спроведување на сите делови од Договорот од Пржино и приоритетите за итни реформи, вели Коцијанчич за Телеграф.мк
Портпаролката на Европската комисија, Маја Коцијанчич ги разби надежите на владата дека наскоро Македонија би можела да добие датум за преговори за членство. Таа е децидна дека преговори нема да има сè додека не се исполнат условите и дека конечната одлука треба да ја донесат земјите-членки.
– Препораката на Комисијата за почеток на преговорите е услов за спроведување на сите делови од Договорот од Пржино и приоритетите за итни реформи. Ова ги вклучува системските слабости во владеењето на правото. Отворањето на пристапните преговори кога ќе се исполнат утврдените услови е одлука на земјите-членки односно на Советот – објаснува Коцијанчич за Телеграф.мк
