ЛЕПEHO, CEЧEHO И MOHTИPAHO: Камчев потврдува дека гласот од снимките е негов, средбата е оддржана во Бугарија во август, снимките се едитирани

Поврзано

- Advertisement -
- Advertisement -

Бизнисменот Орце Камчев, кој се јавува како главен сведок во случајот „Рекет“, потврдува дека негов е гласот што се слуша на аудио-снимките кои се појавија во јавноста. Како што вели тој во изјава за Фокус, станува збор за делови од поголем и подолг разговор, кој бил направен на средба во Бугарија кон крајот на август.

-Се работи за делови од поголем, подолг разговор од кој лесно се забележува дека, за жал, тенденциозно се сечени делови кои истиот целосно го вадат од контекст, а тоа придонесува да се создаде погрешна перцепција и погрешни заклучоци за кажаното. Тоа е разговор кој се одвиваше оваа година кон крајот на август на вечера во Бугарија, а за време на тој разговор бевме присутни четворица од кои јас и уште двајца можеме да потврдиме дека тоа не е целосниот разговор воден тогаш и дека сечените делови оставија многу простор за погрешно толкување на она кое се зборува. Во истата насока, целосно изваден од контекст е и делот со „наводните закани“. Никогаш во животот ниту сум се служел ниту ќе се служам со закани, а најмалку од се, како родител, татко на две деца би си дозволил да кажам и упатам закани кон нечии деца. Сметам дека целта на изнесените разговори во јавноста е комплетно друга, односно, е обид на оној кој ги снимил да се умилкува кај одредени структури, бидејќи најверојатно со соочувал со поголеми проблеми кога ги снимал, па, играјќи на овој начин, сметал дека ќе добие позитивни поени – вели Камчев, додавајќи дека објавувањето на овие разговори е неетички.

Воедно, тој најавува дека во однос на правниот аспект во целост ќе соработува со Основното јавно обвинителство и дека ќе ги достави сите информации со кои располага во корист на истрагата.

Со ваквата негова изјава се потврдуваат инормациите на Инфомакс. Претходно за снимките објавивме дека тие се сечени-лепени-монтирани само во контекстот кој се сака да се постигне. Демек, еве Орце бараше од нас помош. Тоа може и да се прочита на порталите кои први ги превземаа снимките, па поитаа да напишат дека Мицкоски го координирал Камчев…Но, вистината е поразлична.

Инфомакс од извори во Струмица, дознава дека веќе подолго време овие разговори биле пуштани на различни состаноци помеѓу луѓе блиски до Зоран и Вице Заеви. Снимките ги пуштал оној што ги снимал, а освен другарска врска, снимателот е и во бизнис релација со Вице Заев.

Состанокот кој бил инициран од Стојан Чифлигаровски, сопственик на компанијата „СВ Инвест“ која го врши ископот во РЕК Битола. Оваа компанија често е доведувана во корелација со братот на премиерот Вице Заев, за кој се смета дека е вистинскиот сопственик на компанијата.

Снимениот состанок бил договорен во Струмица некаде крајот на месец август годинава, а се одржал во Банско, Бугарија. На масата на која се одржувал состанокот инициран од бизнис партнерот на Вице Заев присутни биле пет лица, чиј идентитет е познат на редакцијата. Состанокот траел до раните утрински часови.

Помеѓу петте лица, присутен на состанокот бил и Цветан Панделевски, исто така жртва во „Рекет“.

Целосниот разговор од состанокот е драстично поразличен од овој кој се емитува во јавноста. Иако траел неколку часа, во јавност се емитувани делови во кои се споменува ВМРО-ДПМНЕ и Мицкоски, како, а се вади од контекст и барањето на Орце Камчев во врска со Зоран Заев – се со цел јавноста да стекне впечаток дека Камчев барал помирување со Заев.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This