Во Република Македонија се уште во полн ек аферата „Рекет“ па имајќи го ова во предвид не е ни чудо што се вработуваат „рекетари“. Имено на социјалните мрежи вирално се шири оглас на кој што се бараат таканаречени „специјалисти за наплата“ од страна на финансиска компанија која ги нуди инфамозните брзи кредити.
Според она што го пишува во огласот, вистинскиот кандидат за оваа позиција е проактивен, флексибилен и ориентиран кон резултати, со цел градење на успешна компанија, притоа имајќи позитивен став во обезбедување на исклучителни услуги кон нашите корисници.
Од вработениот ќе се бара да извршува наплата на долгови преку посета на должници (физички лица) на нивната домашна адреса на територијата на цела држава и согласно работните процедури да обезбеди навремена наплата, а на оваа позиција вработениот одговара пред Менаџер за наплата на побарувања.
Огласот може да го отворите на следниот линк.
